Jop ka Maya SC Umjlasiaw bad Nongkhroh Sohbar haka 2nd Division, ka Mookyndur & Wahiajer haka Super Division ka TSA

Jowai, Nailar 17: Ka lympung ïalehkai phutbol jong ka ‘Joybell Suiam Memorial 2nd Division Football League TSA’ bad ka ‘Kesilroy Pala Memorial Super Division TSA’ bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka 16 tarik u Nailar, 2025 jong ka sngi saitjaiñ ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League TSA ka Maya SC Umjlasiaw kala jop da 1-0 kol ïa ka Mukhla Nongrim, ïa katei ka shikol la thep da u Lemiki Dkhar haka minit ba 12.
Ha ka jingïakhun kaba ar ka Nongkhroh Sohbar kala jop da 2-0 kol ïa ka Modop FC, ïa kitei ki kol na ka Nongkhroh Sohbar l athep da u Shanti Dkhar haka minit ba 26 bad u Promi Mynsong haka minit ba 31.
Haba phai sha ka jingïakhun jong ka Kesilroy Pala Memorial Super Division TSA ka kynhun ïalehkai jong ka Mookyndur SC kala jop da 12-2 kol ïa ka Grounded FC. Katba ha ka jingïakhun kaba bud ka Wahiajer SC kala pynliem da 6-1 kol ïa ka Nongkhroh Krem Kum.
La pyntip ba ka jingïakhun haka 18/08/2025 haka kyrdan ‘Joybell Suiam Memorial 2nd Division Football League ka Iawthymblein pyrshah ïaka Nongdhar Nongthymme bad ka Mainroad Wahiajer SC pyrshah ïa ka Niriang United.
Ha ka kyrdan jong ka Kesilroy Pala Memorial Super Division TSA ka Mukhla Raij pyrshah ïa ka Lumphyrnai Sohphoh ha ka por 3 baje nohphai sngi