Mairang, Naitung 31: Ha ka jingialehkai Second Division jong ka Pyndengumiong District Sports Assciation, Eastern West Khasi Hills District, mynta la don ar tylli ki jingïalehkai kiba dei ha ka Group D.
Ha ka jingïalehkai kaba nyngkong ka Mawphanñiew ka la pynliem ïa ka Jakhong da 7-1 kol. Ïa ki Kol jong ka Mawphanñiew la thep da u Habildar Rani uba la ioh Hat Trick da kaba thep 3 kol. Nangta kiwei pat kiba thep kol ki long u Colmanstar L. Mairang, u Pynskhem Mawblei, u Nathaniel L. Mairang bad u Saindorlang L. Mairang. Ia ka kol jong ka Jakhong la thep da u Kestarlin L. Marshillong.
Ha ka jingïalehkai kaba ar ha kajuh hi ka Groip ka Kynshu Mawria ka la pynliem ïa ka Rahjingshai Dc da 1 la 0. Ia ka kol jong ka Kynshi Mawria la thep da u Esheldonald Syiemlieh.
