Jowai, Nailur 19 : Ha ka jingïakhun ba nyngkong la wan ban aireng da ka kynhun ïalehkai jong ka Marbisu kala lah ban pynliem da 3-1 ïa ka Luti Tuber Ialong, ïa ki kol na ka Marbisu la thep da u Wiwonstar Kurbah ha ka minit ba 24, u Lowis Kurbah ha ka minit ba 28 bad u Wellborn Sun. Katba ïa ka shikol na ka Luti Tuber Ialong la thep da u Bhalang Mulieh haka minit ba 4.
Ka jingïakhun kaba ar ka Western United kala pynliem syndon da 6-2 kol ïa ka Chirupdeilang Moodop, ïa ki kol na ka Western United la thep da u Hesprin Thongni ar kol haka minit ba 7 & 46, u Constan Iawren ar kol ha ka minit 41 & 64, u Charlie Syiemlieh bad u Blooming Lyngdoh kila thep mar shikol ha ka minit ba 51 bad 68. Katba ïa ki ar kol na ka Chirupdeilang Moodop la thep da u Stilling Lamare ha ka minit ba 61 bad u Rebok Langshiang ha ka minit ba 63.
Lashai ka sngi ka jingïakhun ‘40 Above Veteran Knockout Football Tournament-2022′ kan long ha ka por 12 baje mynsngi hapdeng ka 12 Dolloi pyrshah ïa ka West Jaiñtia Cultural Society.
