Jop ka Mainroad haka 2nd, ïakhaid ka Lumphyrnai Sohphoh & Mukhla Raij haka Super Division ka TSA

Jowai, Nailar 18: Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 18 tarik u Nailar, 2025 ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League TSA kaba la long hapdeng ka Iawthymblein bad ka Nongdhar kila poi sha ka jingïakhaid da mar shikol (1-1). Ïa ka kol na ka Iawthymblein la thep da u Bistar Lyngdoh haka minit ba 67, katba ïa ka kol na ka Nongdhar la thep da u Leading Shiwat haka minit ba 35.
Haka jingïakhun kaba ar ka Mainroad SC kala jop da 1-0 kol ïa ka Niriang United, ïa kati ka shikol la thep da u Sainborlang Dkhar haka minit ba 57.
Haba phai sha ka jingïakhun jong ka Kesilroy Pala Memorial Super Division kila poi sha ka jingïakhaid da mar 2-2 kol hapdeng ka kynhun ïalehkai jong ka Lumphyrnai Sohphoh pyrshah ïa ka Mukhla Raij. Ïa ki kol na ka Lumphyrnai Sohphoh la thep da u Sumar Suting haka minit ba 43 bad u Dapyntgen Suting haka minit ba 61. Ïa ki kol na ka Mukhla Raij la thep da u Davidson Iawphniaw haka minit ba 47 bad u Chandame Suna haka minit ba 71.
La pyntip ba ka jingïakhun lashai ka sngi 18/08/2025 haka kyrdan ‘Joybell Suiam Memorial 2nd Division Football League haka por 10 baje mynstep ka Dreaming SC Mupliang pyrshah ïaka Madur SC. Katba haka por 12 baje mynsngi ka Ryntih Mynsngat pyrshah ïa ka United Ummulong.
Ha ka kyrdan jong ka Kesilroy Pala Memorial Super Division ka Niriang SC pyrshah ïa ka Nongkhroh Rim haka por 3 baje nohphai sngi.