Jop ka Madan S&CC & Iatyllilang SC
![](https://mawphor.com/wp-content/uploads/2022/04/Sports-750x430.jpg)
Shillong, Nailar 24: Ka jingïalehkai SSA U-20 4th DIVISION Football League 2023 kaba la long ha 3rd Ground MFA Tur, Polo, hynne ka sngi Palei.
Haba phai sha ka jingïakhun kaba nyngkong ha ka por 5 baje janmiet, ka Laitlulong SC ka la rem da 1 – 2 kol ha ka Madan S&CC, ka kol na ka bynta ka Laitlulong SC la thep da u Wellistar Nongbri (42min) bad na ka Madan S&CC la thep da u Imanbha Marbaniang- ha ka 45 bad 47minit.
Ha ka jingïalehkai kaba ar ha ka por 6:30 jan miet, ka Iatyllilang SC ka la jop da 2 – 1 kol ïa ka Mawlynrei SC. Ki ar kol na ka Iatyllilang SC la thep da u Melawantei Kharmuti- 35 bad 35+4minit, katba ïa ka Mawlynrei SC la thep da u Heraldo Kyrsian ha ka minit ba 27.