Jowai, Jylliew 12: Ka jingïalehkai phutbol jong ki khynnah skul ne ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai kala la long ha ka 11 tarik ha madan Kiang Nangbah Stadium, Jowai.
Ha ka jingïalehkai jong ka kyrdan Under-17 ki khynnah shynrang la wan ban ïakhun nyngkong da ka Little Flower H/S School Ummulong kaba jop da 3-0 kol ïa ka Govt. Public Secondary School, ka Thangbuli H/S School ka la jop da ka jingïashut Tie Breaker da 4-3 kol ïa ka Nartiang Presbyterian H/S School.
Katba ha ka kyrdan Under-14 ki khynnah shynrang ka Little Flower H/S School Ummulong ka la jop da 7-0 kol ïa ka Lumpyrtuh Secondary School. Ka Jaiñtia H/S School kala pynliem ïa ka Amwi Jaraiñ Secondary School da ka jingïashut Tie Breaker da 6-5 kol.
