Shillong, Nailur 11 : Ka Laitdiengsai SC bad ka Mawpynieng Rasong FC ki la jop ha ka lympung ïalehkai Mawkynrew Cup 2022-23 ba la pynïaid da ka Mawkynrew Cup Committee.
Ka Laitdiengsai SC ka la jop da kaba pynliem da 3-1 kol pyrshah ïa ka Thadan SC ha ka jingïalehkai kaba nyngkong katba ka Mawpynieng SC ka la jop da 2-1 kol ïa ka Laitkseh SC.
Katba ha ka jingïalehkai kaba khatduh ka Madanlangring FC ka la jop ïa ka Rangphlang FC da 2-0 kol. Katei ka jingïalehkai kaba la long ha ka sngi Saitjaiñ kadei na ka Zone 1 ba la pynlong ha madan Thangsning.
