Jowai, Nailar 20: Ka lympung ïalehkai phutbol jong ka ‘Joybell Suiam Memorial Football League 2025 ha ka kyrdan Second Division, bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka 20 tarik u Nailar, 2025 jong ka sngi Balang ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League ka kynhun jong ka Lad Mukhla kala jop da 1-0 kol ïa ka Modop FC. Ïa katei ka shikol na ka Lad Mukhla la thep da u Phrangsngi Challam haka minit ba 16.
Katba ha ka jingïakhun kaba ar hapdeng ka Laru bad ka Thadmusem kila poi sha ka jingïakhaid khlem don kiba ïoh ban thep kol (0-0).
La pyntip ba ka jingïakhun ha kane ka sngi Palei (21/08/2025) haka kyrdan ‘Joybell Suiam Memorial 2nd Division Football League haka por 10 baje mynstep ka Iawpynsin Wahiajer pyrshah ïaka Iongshiwiat. Katba haka por 12 baje mynsngi ka Mukhla Wahshnong pyrshah ïaka Maskut.
Ha ka kyrdan jong ka Kesilroy Pala Memorial Super Division ka Mookyndur kan ïakhun pyrshah ïaka Pohskur Phyllong ïingkhaw haka por 3 baje nohphai sngi.
