Jop ka Ksehsylle Ialong bad Lumchyrmang Mihmyntdu ha ka 3rd Division ka WJHDS

Jowai, Ïaïong 15: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long hynnin ka sngi 14 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong na ka liang ka kynhun ïalehkai kaba la long hapdeng ka Mulang Ialong pyrshah ïa ka Loompyrdi Iongpiah, kala long kaba itynnnad bha namar baroh arliang kila pyrshang ban thep kol hynrei haduh ba kut jong ka jingïalehkai kila poi sha ka jingïakhait da mar 0-0 kol.
Ka jingïakhun ba ar kala long hapdeng ka Ksehsylle Ialong pyrshah ïa ka Samaro FC, na ka liang ka kynhun ïalehkai jong ka Ksehsylle Ialong kala jop da 2-0 kol, ïa ka shikol la kum thep bakla sha ka kol lajong da u rangïalehkai ka Samaro u Deibor Bareh ha ka minit ba 33 bad u Sunidonhi Rymbai ha ka minit ba 63.
Katba ha ka jingïakhun kaba lai bala wan ban aireng hapdeng ka Lumchyrmang Mihmyntdu pyrshah ïa ka Riatsaliya Mihmyntdu, ka Lumchyrmang Mihmyntdu ka la jop da 3-0 kol bad ïa kitei ki lai kol la theh da u Freddy Chyrmang ha ka minit ba 1, u Shngaiñ Phawa ha ka minit ba 62 bad u Kerlang Kyndait ha ka minit ba 80+2.