Jowai, Ïaïong 24 : Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 23 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong na ka liang ka kynhun ïalehkai jong ka Khliehmuchut Shangpung kala jop da 2-0 kol ïa ka Lumchyrmang Mihmyntdu bad ïa katei ki kol la theh da u Banteilut Langstang ha ka minit ba 52 bad u Elizer Suiam ha ka minit ba 54.
Ka jingïakhun ba ar kala long hapdeng ka ka Tpep Pale pyrshah ïa ka Mulang Ialong, ka kynhun ïalehkai jong ka Mulang Ialong kala jop da 4-2 kol. Katba ha ka jingïakhun kaba lai ka kynhun ïalehkai jong ka Pateinki Sabah ka la jop da 2-0 kol ïa ka Ksehsylle Ialong.
Ka jingïakhun ha ka sngi nyngkong 25 tarik u ïaïong kan long hapdeng ka Tympang pyrshah ïa ka Nonglatem ha ka por 11 baje mynstep, ka Mawsiang FC Nongkhroh pyrshah ïa ka Moodymmai ha ka por 1 baje nohphai sngi bad ka Iooksi Youth Welfare pyrshah ïa ka Royal Pole Mihmyntdu haka por 3 baje janmiet.
