Jowai, Risaw 13: Ka lympung ïalehkai phutbol jong ka kyrdan 13th Chatister Kharkongor Memorial Trophy 1st Division Football Tournament-2025 bala pynïaid daka West Jaiñtia District Sports Association (WJDSA) kaba la long mynta ka sngi 13 tarik ha madan Kiang Nangbah Stadium Dongmihsngi, Jowai.
Haba phai sha ka jingïakhun ka Khliehïongriang SC kala lah ban pynliem da 2-1 kol ïaka Lumiawmuchai Shangpung SC, ïa ki kol naka Khliehïongriang SC la thep da u Chwa Dhar haka minit ba 10 bad u Kerlang Dkhar haka minit ba 48. Katba ïaka shikol na ka Lumiawmuchai Shangpung SC la thep da u Jame Wan haka minit ba 23.
La pyntip ka jingïakhun 1st Division Football Tournament-2025 haka 14 tarik u Risaw kan long hapdeng ka Sabahmuswang SC pyrshah ïaka Dulong SC. Kane ka jingïalehkai kan sdang haka por 2 baje nohphai sngi.
