Shillong, Nailur 24: Ka jingïalehkai jong ka lympung SSA U-20 4th DIVISION Football League 2023 kaba la pynlong ha 3rd Ground MFA hynne ka Sngi Balang hapdeng ka Kharang SC pyrshah ïa ka Mawreng SC, ka kut ha kaba ka Kharang SC ka la long ka kynhun ba khur ïa ka namjop.
Ka namtam ha kane ka jingïalehkai kaba la pynlong ha ka por 5:30 janmiet ka la leit sha u Gordon Basawïawmoit u ba la lah ban pynkhih ïa baroh ki kol na bynta ka kynhun (Kharang Sc).
U Gordon Basawïawmoit u la ïoh ban pynkhih ïa ka kol kaba nyngkong ha ka minit ba 44 bad tang hadien katto katne u la ïoh ban pynbud sa ïa ka kol kaba ar ha ka 45 minit.
Haduh kaba kut jong ka por, ka Mawreng SC kam shym la ïoh ban pynphai wat tang shi kol kaba la pynlong ïa kane ka kynhun ban mad ïa ka namrem.
Ka jingïalehkai kaba bud ka ban long mynta ka sngi kan long hapdeng ka Nongkohlew SC ka ban sa aireng pyrshah ïa ka Mawkasiang SS&SC ha ka por 5:30 baje janmiet, ha 3rd Ground, MFA Turf Polo.SSA U-20 4th Division Football League 2023
Jop ka Kharang SC ïa ka Mawreng SC.
