Jowai, Ïaïong 08: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 8 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong mynta ka sngi ka kynhun ïalehkai jong ka Iong-i dahi FC kala jop da 4-1 kol pyrshah ïa ka Nangbah Khliopano bad ïa katei ki kol la thep na ka Ïong-i la thep da u Atal Shylla ha ka minit ba 32, u Kerot Phawa ar kol ha ka minit ba 38, 66 bad u Denies Lyngdoh ha ka minit ba 80+1. Ïa ka shikol na ka Nangbah Khloopano la thep da u Teibor Lamare ha ka minit ba 47.
Ha ka jingïakhun ba ar la wan ban aireng hapdeng ka Samaro pyrshah ïa ka Khliehmyntdu Neiñchnong, ha ka jingïakhun ka Samaro kala jop da 3-0 kol, ka kynhun Samaro ka la thep kol ha ka minit na 33 bad 63 lyngba u Forward Pdang, u Reformer Bareh ha ka minit ba 61.
Katba ha ka jingïakhun kaba lai pat kaba la long hapdeng Riatsaliya Mihmyntdu pyrshah ïa ka Saiñdur Mihmyntdu ha kane jingïakhun kala long kaba mar ïa biang bor bha bad haba kut ka jingïakhun ka Riatsaliya kala jol da 3-2 kol, na ka Riatsaliya Mihmyntdu kiba la thep kol ki long u Soki Dkhar ha ka minit ba 20 u Marlang Chyrmang ha ka minit ba 45 bad u Nehlang Dkhar ha ka minit 79.
Katba ïa ki ar kol na ka Saiñdur Mihmyntdu la thep da u Haowanki Lamin ha ka minit ba 10 bad u Lamjingshai Thawmuid ha ka minit ba 12.
