Jop ka Iawpynsin Wahiajer & Namdong-A haka 2nd, ka Nongkhroh Krem Kum haka Super Division ka TSA
Jowai, Nailar 27: Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka 27 tarik Nailar jong ka sngi Balang ha madan Wahiajer Multi-Sports Complex.
Haba phai sha ka jingïakhun ba nyngkong jong ka Joybell Suiam Memorial Second Division Football League la sakhi ïa ka Iawpynsin Wahiajer kaba la khur ïa ka jingjop da kaba pynliem 3-2 kol ïa ka Mukhla Wahchnong.
ïa ki kol na ka Iawpynsin Wahiajer la thep da u Markatjuh Dkhar haka minit ba 23, u Iohkmen Mynsong haka minit ba 65 bad u Donbok Iakai haka minit ba 70. Ïa ki kol na ka Mukhla Wahchnong la thep da u Lumlang Nongpluh (own goal) haka minit ba 30 bad u Rolling Nongrum haka minit ba 48.
Ka jingïakhun kaba bud la ïohi ïa ka Namdong-A kaba la jop da 6-1 ïa ka Iongshiwiat, ïa ki kol na ka Namdong-A la thep da u Paitlang Dkhar (own goal) haka minit ba 21, u Starwell Sungoh haka minit ba 27 & 52, u Phien Dkhar haka minit ba 50 bad u Bormi Myria haka minit ba 65 & 70. Ïa ka shikol na ka Iongshiwiat la thep da u Ebormi Suja haka minit ba 3.
Haba phai pat sha ka jingïakhun jong ka Kesilroy Pala Memorial Super Division ka Nongkhroh Krem Kum kala jop da 3-0 kol ïa ka Mookyndur, ïa ki kol na ka Nongkhroh Krem Kum la thep da u Anthony Mynsong haka minit ba 10, u Tanlangki Kmah haka minit ba 49 min bad u Teilang Pyngrope haka minit ba 90+1.
La pyntip ba ka jingïakhun lashai ka sngi 28/08/2025 haka kyrdan ‘Joybell Suiam Memorial 2nd Division Football League haka por 10 baje ka Mainroad Wahiajer pyrshah ïaka Iawthymbleiñ. Ha ka por 12 baje mynsngi ka Niriang United pyrshah ïaka Nongdhar Nongthymme.
Katba haka kyrdan jong ka Kesilroy Pala Memorial Super Division haka por 3 baje nohphai sngi ka Mukhla Raij pyrshah ïaka Pohskur Phyllong Iingkhaw.