Shillong, Nailur 06: Ka jingïalehkai jong ka lympung SSA U-20 4th DIVISION Football League 2023 kaba la long hynne ka Sngi Balang ha madan 3rd Ground.
Haba phai sha ka jingïalehkai kaba nyngkong kaba la sdang ha ka por 3:30 nohphaisngi, ka Iatyllilang SC ka la pynliem ïa ka Lamlynti SC da 7-3 kol.
ïa ki lai kol na ka bynta ka Lamlynti SC la thep da u Dibanson Thabah- 7 & 25 minit nangta na u Pynche Khyllaitha ka 69 minit.
Katba na ka bynta ka Iatyllilang SC, u Melawantei Kharmuti u la thep ar kol (9 &52min), u Iatyllibor Mynsong (31min), u Rijoelang Lawai(34min), u Badonbor nongdkhar (36min), u Banpyndap Ryndon (40min), u Wellbanroy Kurkalang (62min).
Ha ka jingïakhun kaba ar, ka Lumpyngngad SC ka la jop da 2 – 1 kol ïa ka Laitlulong SC, ki ar kol na ka bynta ka Lumpyngngad SC la thep da u Donlang kharsyiemiong (29min) bad u Novidance Jonsoi (57min), katba ka shi kol na ka Laitlulong SC la thep da u Lamphrang Jana (34min).
Mynta ka sngi, ka jingïakhun kan long hapdeng ka Madanrting SC pyrshah ïa ka Mawphlang SC ha ka por 3:30 nohphaisngi bud sa ka jingïakhun hapdeng ka Kharang SC pyrshah ïa ka Mawkasiang SC.
