Shillong, Kyllalyngkot 14 : Ka Sailadhar Baruah Film Awards (North East) 2025 kaba Phra ka la khang pyrda noh ha ka jingrakhe baphuh baphieng ban pynkup burom ïa ka jingpliah ki durim na kylleng ka thaiñ shatei lammihngi ka Ri India. Ka tamasa durim ba arsngi ha ka 10 bad 11tarik Kyllalyngkot 2026 ha Jyoti Chitravan, Guwahati.
ïa ka khusnam lahduh kum ka durim bakynsai tam la ïohnam da ka durim Apot ba la pynmih da u Bah Raphael Warjri u ba la ïoh ka takma, ka syrnot bad ka pisa ba sanphew hajar tyngka, bad u Bah Augustine Kurbah u ba la pynbiang ïa ka sur rwai surtem u la ïoh ïa ka khusnam lahduh kum u duhalia rangbah bakynsai tam ryngkat ka takma, ka syrnot bad ka pisa ba arphew hajar tyngka.
Kiwei kiwei ki ba la ïoh khusnam ki kynthup ïa u Prakash Deka Best Director ïa ka durim Nora (Assamese), Best Screenwriter ïa u Sanjib Sabhapandit na ka bynta ka durim Aakash Heno Nodir Naam (Assamese), Best Cinematography ïa u Aniruddha Barua ïa ka durim Taarikh, Best Sound Design da u Manas Protim Goswami ïa ka durim Nora. Priyakanta Laishram u la jop Best Film Editor ïa ka durim Oneness (Manipur), bad Best Art Director was awarded to Bhaskar Jyoti Kalita ïa ka durim Woodcutter (Assamese).
Ki tyngshop puron ba kynsai tam la ïoh khusnam lahduh da u Raju Roy ïa ka Best Actor (Male) ïa ka durim Noi Kotha (Assamese), bad ka Rodali Bora ka la ïohpdiang ïa ka Best Actor (Female) ïa ka durim Burkha (Assamese). Ki nongbishar ki la nam ruh kum ki durim bakynsai ïa u Jatindranath Khanikar kum u tyngshop ha ka durim Burkha and Gomon (Assamese). Kumjuh ruh ïa ka durim Brahmakanya (Assamese) da u Dhiraj Kashyap (producer-director) bad u Khajan Kishore Nath, kum u nongshna ïa ka durim Kangbo Aloti (Karbi film).
La jied 26 ki durim ba la phah na kylleng ka thaiñ shatei lammihngi, bad na ka jylla Meghalaya don laitylli ki durim ka Apot, Lanot bad Tyngkai.
La pynphuh pynphieng ïa ka tamasa durim da ka khlur puron bad thohdurim, ka Suhasini Mulay kum ka kongsan ryngkat ki symbud kongsan ba kynthup ïa ka Manjula Barua bad Jahnu Barua, ha ka ba don ryngkat ki dkhot rangbah ka Sailadhar Film Awards 2025, u khliehduh Mrinmoy Baruah, bad u saiñpyniar, Ranjit Das.
Ka Suhasini Mulay ka la ïaroh ïa ki tyngshop puron bad ki riewtbit bapher bapher ha ka ba shna durim na ka thaiñ shatei lammihngi ki ba la pynpaw la ka jingtbit ba kynsai kat ki ba na kylleng ka Ri bad kylleng ka pyrthei, wat lada na dewbah India ka don ka rukom ban ïuhroit ïa ki paidbynriew ba na ka thaiñ shatei lammihngi. Ka la ïathuh ruh ïa ki kam ba la ïa tyngkhuh bad ki riewkhraw ha ka shna durim kum u Mrinal Sen bad Satyajit Ray, kiba long ki nongmuna ba shynna jong ki riewtbit shna durim ha Ri India.
Ka 8th Sailadhar Baruah Film Awards 2026 ka long ka rynsan ka ba la pynkha ïa ki katto katne ki durim bakynsai na ka thaiñ bad la khmih lynti ba kan dang ïaineh ban kyntiew ïa ki nongshna durim na ka thaiñ.
