Jowai, Naitung 29: Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 29 tarik ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Dkhiah West SCSO kala jop da 1-0 kol ïa ka Tpep Swer SSWO, ïa katei ka shikol na ka Dkhiah West SCSO la thep da u Reaching Talang haka minit ba 35.
Ha ka jingïakhun kaba ar ka Diengshalalu SC ka la jop da 3-0 kol ïa ka Ryntihlang SC Brichyrnot, ïa ki kol na ka Diengshalalu SC la thep da u Khmihbha Rymbai haka minit ba 21 & 53 bad u Shemphang Ksih haka minit ba 32.
Katba ha ka jingïakhun kaba lai ka Umlyngsha Youth SSC kala jop da 2-0 kol ïa ka Wapung Skur SSWO, ïa kitei ki kol na ka Umlyngsha Youth SSC la thep da u Ajoy Talang haka minit ba 36 bad u Kamni Rupsi haka minit ba 54.
La pyntip ba ka jingïakhun kan bteng lashai ka sngi 30 tarik u Naitung ha ki lai tylli ki jingïakhun.
