Jowai, Ïaïong 19: Ka kynhun ïalehkai Cricket jong ka ‘All Jaiñtia Cricket Association’ ka la jop da 67 run ïa ka ‘South West Khasi Cricket Association’ ha ka Inter District Under-19 Men’s Cricket Tournament 2022 kaba la long mynta ka sngi ba la pynïaid da ka Meghalaya Cricket Association, Shillong ha ryngkat ka All Jaiñtia Cricket Association, Jowai ha madan Mini Stadium Khliehtyrshi West Jaiñtia Hills.
Haba phai sha ka jingïakhun ka All Jaiñtia C.A kala jop ïa ka jingkynting pisa bad kala jied ban tied nyngkong da kaba kamai 174 runs da kaba hap 10 wickets na ki 35 over. U Chwamiki Ryngkhlem marwei ula ïoh 57 run na ki 78 bol, katba u Neiliang ka South west Khasi C.A u James C Shylla ula khur 2 wicket na ki 7 over.
Haba wan ban beh ïa ka thong ka South West Khasi C.A kala lah ban kamai 107 runs bad hap lut baroh ki wicket hapoh ka 24.5 over, U Iainehskhem Lyngkhoi ula ïoh 44 runs na ki 34 bol, katba na ka liang ka All Jaiñtia C.A u Chwamiki Ryngkhlem marwei ula khur haduh 5 wicket na ki 6.5 over.
Ïa ka nam ‘Man of the Match’ jong kane ka jingïakhun la ïoh rah da u Chwamiki Ryngkhlem uba la lah ban kamai 57 run bad khur haduh 5 Wickets.
