Jowai, Nailar 09: Ka lympung ïalehkai phutbol “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long ha ka sngi Thohdieng (8 tarik u Nailar) ha madan Kiang Nangbah Stadium Dongmihsngi, Jowai.
Ka jingïakhun ba nyngkong la sakhi ïa ka 7 Wasa kaba la pynliem da 3-0 kol ïa ka Caroline, ïa ki kol na ka 7 Wasa la thep da u Riphi o Shylla (16 & 38) nangta na u Samuel Sumer (30+1).
Ha ka jingïakhun kaba ar ka Khimusning kala pynliem da 1-0 kol ïa ka Khliehmyntang Ialong, ïa katei ka shikol na ka Khimusning la thep da u Daekyrpangmitre Pyrngap haka minit ba 51.
