Jowai, Jylliew 16: Ka jingïalehkai phutbol jong ki khynnah skul ne ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai kala la long mynta ka sngi 16 tarik ha madan Kiang Nangbah Stadium, Jowai.
Haba phai sha ka jingïalehkai ‘Pre Quarter’ jong ka kyrdan Under-14 ki khynnah shynrang la wan ban ïakhun nyngkong da ka Marian Hill H/S School kaba la jop da 2-0 kol ïa ka Jowai Presbyterian U/P School, ka North Liberty H/S School kala jop da 1-0 kol ïa ka Little Flower H/S School Ummulong. Ka Govt. Boys H/S School ka la jop da 3-1 kol ïa ka St. Claret Phramer.
Ka Jaiñtia H/S School kala jop 1-0 kol ïa ka Mihmyntdu Secondary School bad ka Padu Secondary School kala jop 5-0 kol ïa ka Adventist (ATS) School.
Katba ha ka kyrdan Under-17 ki khynnah kynthei ka North Liberty H/S School kala jop bun kol kata haduh 7-0 kol ïa ka Mihmyntdu Secondary School.
