Shillong, Jylliew 12: Ka Meghalaya Boxing Asso-ciation ka lah pynlong ïa ka jingjied nongïakura ban mihkhmat ïa ka jylla sha 4th Youth National Men & Women Boxing Cham-pionships ha Chennai, Tamil Nadu kaban sdang naduh ka 6 tarik haduh 11 tarik Naitung 2022.
Ïa ka jingjied nongïakura la pynlong ha ka 11 tarik Jylliew 2022 ha Indoor Sports Hall Mawlai Mawroh. Ki nongïakura ba ka MBA ka la ïoh ban jied na bynta ban mihkhmat ïa ka jylla sha katei ka Championship kaban long ha Chennai, ki kynthup ïa hynriew ngut ki shynrang bad saw ngut ki kynthei.
Ha ka liang ki shynrang ki kynthup ïa u Wanlambok Shynret (48kg) uba dei na Boxing Association of East Khasi Hills District, u Dulang Dhar (51kg) jong ka West Jaiñtia District Association, u Gareth G Laloo (54kg) Green Heat Boxing Club, Wanshaibor Shyrkon (57kg) West Khasi Hills District Boxing Asso-ciation, u Bahlung Papeng (63kg) jong ka SAI bad u Ayush Thapa (67kg) jong ka Risingstar Boxing.
Katba ha ka liang ki kynthei ki kynthu ïa ka Bainlumlin L Nongpiur (48kg) jong ka Boxing Association of East Khasi Hills District, ka Moniliza Vishlux (50kg) jong ka Risingstar Boxing Club, ka Shreena Thapa (52kg) Risingstar Boxing Club bad ka Sonia Tamang (54kg) jong ka Boxing Association of East Khasi Hills District.
