Shillong, Naiwieng 10: Ka Selection Committee na bynta ki khynnah lehkai kriket kynthei (Junior Girls) jong ka Meghalaya Cricket Association ka la jied ïa 15 ngut ki player ryngkat ki thei ïalehkai kiba lah ban mih bujli lane standby ki ban mihkhmat ïa ka jylla sha ka BCCI U-15 Women’s One Day Trophy, ka ban sa long ha Odisha naduh 21 tarik haduh 29 tarik Naiwieng.
Ka jingpynïaid ban jam shaduh kane ka kyrdan ka la long kaba slem bha, ha kaba ki khynnah kynthei ki la hap ban pyndep ïa ka TW-3 bone test ban pynshisha ïa ka rta jong ki, katkum ki kyndon jong ka BCCI, bad hadien nangta ki la hap ban shim bynta lai sngi ha ka prokram jingpyrshah khnang ban shah jied (selection trial) ha Nongkhrah, Ri-Bhoi.
Ki player kiba la shah jied mynta kin pynkhreh bha na bynta katei ka lympung, ban kilanmet ha Nongkhrah. Hadien nangta ka kynhun kan mih ban leit sha Odisha naduh 18 tarik Naiwieng.
Ka kynhun ki khynnah kynthei ka Meghalaya na bynta ka U-15 ki long: Jennifer Fancon (C), Deijiana M Sangma (V-C), Rafinia Ryntathiang (WK), Leeny Rai, Namesha A Marak, Sweetcymary Khongthang, Banchilla R Marak, Sharaisuk Marpna, Adalyn Fedelia Lyngkhoi, Joanna Pyngrope, Diya Biswa, Anniba Aiyosha D Sangma, Priya, Isha Ray, Bijime Ch Momin
Standbys: Rijanailang Peinlang, Eliza Lyngdoh, Beneros D Shira, Evanrihun Sohshang, Reavydaysha Lyngkhoi
Support staff: Rupashree Sharma (Head Coach), Bhakupar Mylliemngap (Assistant Coach), Sweety Marboh (Trainer), Jakrimbal D Arengh (Physio), Phibakordor Diengdoh (Manager)
