Jied ka MCA 15 ngut ki thei ban mihkhmat sha ka U-19 Women’s One Day Trophy ha New Delhi

Shillong, Naiwieng 20 : Ka All Women’s Selection Committee jong ka Meghalaya Cricket Association ka la jied ïa 15 ngut ki thei ïalehkai ban mihkhmat ïa ka jylla sha ka U-19 Women’s One Day Trophy kaba pynlong da ka BCCI ha u bnai Nohprah 2022. Ka Meghalaya kan sdang ban ïalehkai nyngkong ha ka 7 tarik Nohprah ha New Delhi.
Ka prokram kilan met na bynta ban pynkhreh ïa katei ka lympung kan long ha ka 24 tarik Naiwieng ha Jagiroad, Assam. Tang ki 15 ngut ki thei ïalehkai ha ryngkat ki support staff kin mih na ka Jylla ban leit sha New Delhi.
Ki thei ïalehkai kriket ka Meghalaya kiba la shah jied ki kynthup ïa ka Suruti Kumari Ray, Neelam Roy, Ankita Sharma, Sistilin Ryntathiang, Monica Lyngdoh Phawa, Marme M Sangma, Sara Daffica Kharbani, Blaridahun Dkhar, Janika Marak, Awesa G Momin, Indariakor Kharwanniang, Dubleen Nengnong, Smillin N Sangma, Dianchidora Sangma, Emisakani Warjri, Fennysha Nongrum (standby), Jaylin Mary Marak (standby) bad ka Angelica Maring (standby)
Ki support staff ki kynthup ïa u Syed Nishan Fatima (head coach), Leonard Wankhar (assistant coach), Darishesha Mawroh (trainer), Sushma Thapa (physio) bad Chingche Ch Marak (manager).
Ki kynhun bad tarik ïalehkai ba ka Meghalaya kan ïakhun ki long :
Meghalaya vs Chhattisgarh, 7 December
Meghalaya vs Saurashtra, 8 December
Meghalaya vs Tripura, 10 December
Meghalaya vs Baroda, 12 December
Meghalaya vs Punjab, 14 December