Nongpoh, Jylliew 23: U wei u samla u la shah teh bad jan shah bom haki nongñiah trok hynnin ka sngi u Blei hadien ba u la leit ban kiew ha kawei ka trok kaba dang ïeng haka surok bah National Highway-6 ha ka thaiñ 13 mer ha Ri-Bhoi.
Naka liang ki nongñiah trok kila ioh ban kem ïa u hadien ba u la kiew ha kawei ka trok ba u mut ba dei ka trok u paralok pynban ki nongñiah trok kila kem bad bat ïa u bad teh hakhmat kawei ka trok Dumper namar ba ki mut ba dei u nongtuh nonglute.
Ha katei ka jingjia donbok ba wan poi kloi noh ki pulit ka Byrnihat Police Outpost kiba la shimti noh ïa utei u samla bad rah sha thanad ryngkat kitei ki nongñiah trok ban pynlong ka jingtohkit bad tang hadien katto katne por ki pulit kila pynlait noh ïa utei u samla kitei kiba la kem ïa u.
