Shillong, Nailur 26 : Ki la don kumba 4 lak tylli ki longïing ha nongkyndong kiba la ïoh um ha ki ïing ki sme jong ki lyngba ka skim Jal Jeevan Mission, pyntip u Myntri ka tnad PHE, Marcuise N Marak ha kane ka sngi Ba-ar.
Haba kren bad ki lad pathai khubor, u la ong,”Mynta ka sngi, ka kam ka la kynjoh sha kumba 59 persen.”
Shuh shuh u ïathuh ruh ba hadien ba ki la dep ban pynpoi um haduh saw lak tylli ki longïing, ha kata ka por ka jingpynpoi um kan kot sha ka 60 persen,” u la bynrap biang.
La pyntip ruh ba ka por ba la buh ban pyndep ïa katei ka projek ka long ha u Kyllalyngkot jong u snem ban wan bad kumta na ka liang ka tnad ki khmih lynti ba kin kynjoh kumba 80 – 90 persen ha u Kyllalyngkot jong u snem ban wan.
Dang ha u Ïaiong mynta u snem, u Myntri u la pyntip ruh ba ka jylla ka la ïoh pdiang 400 klur tyngka kum ka bai burom na ka sorkar pdeng na ka jinglah ban pyntreikam bha ïa ka JJM ha ka jylla.
