SHILLONG, Jylliew 11: Ka resol jong ki jingïalehkai ha ka sngi ba-ar jong ka lympung District Level Inter School Subroto Cup Football Tournament 2025 ba la pynïaid da ka Ophis treikam jong u District Sports Officer ka Ri-Bhoi District, Nongpoh, kaba la sdang naduh hynnin ka 10 tarik Jylliew, 2025 ha Umdihar Football Ground, NSCA, Mini Stadium, Pahamsyiem & Chinchona Football Ground.
Hynne ka 11 tarik Jylliew, 2025 la ïoh ban pyndep haduh 8 tylli ki jingïalehkai ha ka kyrdan Under-15 bad 17 jong ki khynnah shynrang.
Haba phai sha ki jingïalehkai ha ka kyrdan Under-15 la sakhi ïa ka Nongjri Presbyterian Hr. S. School kiba la pynliem noh ïa ka Don Bosco Hr. S. School da 6-1 kol, nangta ka Myngken Christian Hr. S. School ka la jop suk da 4-0 kol ïa ka St john Hr. S. School.
Ki la don ar tylli ki jingïalehkai ba la sakhi ïa ka jingjop kaba bun kol ha ka kyrdan Under-15, ha kaba ka Ri Bhoi Presbyterian Hr. S. School ka la pynjemkhnap ïa ka Savio S. School da 7 -1 kol, katba ka Mawtneng U.P& S. School ka la jop suk da 7-0 kol ïa ka St Anthony’s S. School.
Ha ka kyrdan ïalehkai Under 17 la sakhi ïa ka St Paul Hr. S. School kaba la pynliem noh ïa ka Saiden Sec. School da 4-0 kol, nangta ka Umpohwin S. School ka la pynliem ïa ka Umsning Presbyterian Hr. S. School da 4-2 ha ka Tie Breaker hadien ba ïakhaid da mar 2-2 kol ha ka jingïalehkai.
Ka Nongjri Presbyterian Hr. S. School ka la khur ïa ka jingjop da kaba pynliem da 5-0 kol ïa ka Sunrise S School, katba ka Ri Bhoi Presbyterian H. S School ka la pynliem kput haduh 9-0 kol ïa ka Lai Phew Diengngan S. School.
