Amlarem, Nailar 11: Ka jingïalehkai phutbol ‘Independence Day Cup Football Tournament 2025’, bala pynïaid da ka Amlarem Sub-divisional Sports Association (ASSA) ha ryngkat ka jingïatreilang bad ka ophis SDO (Civil) Amlarem sub Division kala jam noh sa ka jingïakhun Final, Ïa kane ka Tournament la pynlong ha ka madan phutbol Jaraiñ, Amlarem Sub-Divisional.
Haka phai sha ka jingïakhun Semi Finals ha kine ki sngi bala dep haka kyrdan Under-13 jong ki khynnah shynrang (Boys) hapdeng ka Jaraiñ C&SC pyrshah ïaka Amtasam SC, na ka liang ka kynhun jong ka Amtasam SC kala jop da ka jingïashut Tie Breaker da 4-3 kol. Ha ka jingïakhun kaba ar ka Traki Mawngap kala jop ïaka Amkoi SC da 5-4 kol haka jingïashut Tie Breaker.
Ha ka kyrdan Under-15 (Boys) haka jingïakhun kaba nyngkong ka Amkoi SC kala jop da 2-0 kol ïa ka Lamin XI SCC. Ha ka jingïakhun kaba ar ka Pdengkarong FC kala jop ïaka Warjaiñtia Veterant Youth Team haka jingïashut Tie Breaker da 4-3 kol.
Katba ha ka jingïakhun jong ki kynthei haka kyrdan Under-15 (Girls) ka Jaraiñ C&SC kala jop ïa ka Mawlong SC da 4-3 kol ha ka jingïashut Tiebreaker. Ha ka jingïakhun kaba ar ka Pdengshakap United kala jop ïaka Lamin XI SCC.
Da kane ka jingjop jong ki kila ïoh ban rung sha ka jingïakhun Final jong kane ka lympung ha kine ki lai tylli ki kyrdan U-13 (Boys), U-15 (Boys) bad ka U-15 (Girls).
