Jowai, Risaw 18: Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long ha ka 18 tarik u Risaw ha Wahiajer Multi-Sports Complex.
Haba phai sha ka jingïakhun ba nyngkong ka Namdong-B kala jop da 2-0 kol ïaka Malngiang SC, ïa ki kol na ka Namdong-B la thep da u Felix Lamare (13) bad u Lamchwa Pale (47).
Haka jingïakhun kaba ar ka Ummulong SC kala jop da 6-0 kol ïaka Friends United, ïa kitei ki kol naka Ummulong SC la thep da u Rikima Shylla (15), u Lamphrang Dkhar (41 & 77), u Pyntgen Nongrum (71), u Riphio Pale (76) bad u Daman Shullai (79).
La pyntip ba ka jingïakhun 1st Quarter Final kan long haka 22 tarik u Risaw haka haka por 2 baje nohphai sngi hapdeng ka Nongkhroh Mawsiang pyrshah ïaka Namdong-B.
