Jowai, Nailur 18: Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), ha madan Kiang Nangbah Stadium Dongmihsngi, Jowai kaba jam noh sha ka jingïakhun Semi Final ha ka 23 bad 24 tarik mynta u bnai.
Katkum ka jingpyntip na ki nongpynïaid ka Association ka jingïaskhun Semi Final jong ka Super Division ba nyngkong kan long ha ka 23 tarik u Nailur haka por 2 baje shiteng nongphai sngi hapdeng ka 7 Wasa pyrshah ïa ka Ladthadlaboh. Katba ha ka jingïakhun Semi Final kaba ar kan long ha ka 24 tarik u Nailur ha ka por 2 baje shiteng nohphai sngi hapdeng ka kynhun ïalehkai jong ka Mynthong pyrshah ïa ka Nangbah Mulang.
Haba phai sha ka jingïakhun kaba la long hynnin ka sngi saitjaiñ 17 tarik hapdeng ka Sohmynting pyrshah ïa ka Ladthadlaboh, ka Ladthadlaboh kala jop da 7-1 kol ïa ka Sohmynting, ïa ki kol na ka Ladthadlaboh la thep da u Nitejan Pala ha ka minit ba 2, u Simeon Suchiang ha ka minit ba 48, 55 & 70 bad u Dowell John Shylla lai kol ha ka minit ba 49, 62 & 90. Ïa ka shikol na ka bynta ka Sohmynting la thep da u Deiwomsa Shylla ha ka minit ba 15.
