Jam ka Subroto Cup ha Jowai sha ka jingïakhuh ‘Semi Final’

0

Jowai, Jylliew 23: Ka jingïalehkai phutbol jong ki khynnah skul ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai kala la long mynta ka sngi 23 tarik ha madan Kiang Nangbah Stadium, Jowai.
Haba phai sha ka jingïalehkai ‘Quarter’ mynta ka sngi ha ka kyrdan Under-17 jong ki khynnah shynrang la wan ban ïakhun nyngkong da ka Little Flower H/S School kaba la jop da 2-1 kol ïa ka Amwi-Jaraiñ Secondary School, katba ka H.K Singh Memorial Secondary School kala jop da 3-1 kol ïa ka Marian Hill H/S School.
Ha ka jingïakhun ki khynnah kynthei Under-17 ka North Liberty H/S School kala jop 3-0 kol ïa ka Little Flower H/S School, ka Police Public Secondary School kala jop 1-0 kol ïa ka Lumpyrtuh Secondary School. Ka Riwar Jaiñtia Church of God Secondary School Amlarem kala jop 4-1 ïa ka Moodymmai Secondary School da ka jingïashut Tie breaker, katba ka Kiang Nangbah H/S School kala jop 2-0 kol ïa ka Jowai Govt UP RMSA.
Lashai ka sngi 24 tarik kane ka lympung kala jam noh sha ka jingïakhun ‘Semi Final’ jong ki khynnah shynrang Under-14 bad kumjuh ha ka Under-17 ki khynnah kynthei bad shynrang.

Leave A Reply

Your email address will not be published.