SHILLONG, Rymphang 04: Ka lympung phutbol jong ki khynnah ba hapoh 14 snem kaba la tip da ka U-14 Football league 2025-26 jong ka Shillong Sports Association (SSA) ka la jam sha ka Semi final, ha kaba ka Mawkhar SC, Umphyrnai SC, Langsning FC bad Nongthymmai Nongkynrih SC ki la lah ban pynthikna ïa la ka jong ka jaka da kaba jop ïa ka Quarter final hynne ka sngi ka Balang (04.02.2026).
Ka Quarter final ka la sdang naduh ka por 9: baje mynstep, ha kaba ka Mawkhar SC ka la pynliem noh ïa ka Shillong Lajong FC da 3-2 lyngba ka Penalty Shootout hadien ba ïakhaid khlem kol ha ka por ïalehkai.
Ha ka jingïalehkai kaba bud, ka Umphyrnai SC ka la wanphai nadien ban pynliem ïa ka Lumshyiap SC da 3-1 kol.
Dei ka Lumshyiap kaba la lamkhmat nyngkong lyngba ka kol jong u E.Pale (9’) hynrei ka Umphyrnai ka la jubab da kaba thep lai kol lyngba u B.Kharkongor (17 & 56’) bad u D.Kharkongor (44’).
Katba ka Langsning FC ka la pynskhem ïa ka jaka ha ka semi final da kaba jop suk haduh 7-0 kol pyrshah ïa ka Pay For Right FA. U N.Mukhim (7, 15 & 56’) u la thep hat trick, nangta u D L Nongbri (36 & 38’) u la noh synñiang ar kol, katba u L.Khardewsaw (12’) bad u E.Mynsong (59’) ki la thep mar kawei.
Ka Nongthymmai Nongkynrih SC kadei ka kynhun ba khatduh ban pynskhem ïa ka jaka ha ka semi final da kaba pynliem noh da 2-1 kol ïa ka Pynthorbah SC. ïa ki ar kol jong ka Nongthymmai Nongkynrih la thep da u B.Dkhar (18’) bad u B.Nongrum (53’); katba ka shi kol jong ka Pynthorbah la thep da u N.Hoojon (4’).
Ka SSA ka la pyntip ruh ba kan pyndep ïa baroh ar tylli ki Semi final ha kane ka sngi Palei (05 tarik Rymphang, 2026). Ha ka por 11: baje mynstep ka jingïakhun kan long hapdeng ka Mawkhar SC pyrshah ïa ka Umphyrnai SC, nangta ha ka por 2: baje nohphai sngi, ka Langsning FC kan aireng pyrshah ïa ka Nongthymmai
