Jowai, Nohprah 15: Ka kynhun ïalehkai jong ka Amlarem Social Club kala ïoh ban jam sha ka Final jong ka lympung Amlarem Football League 2025 Super Division Football League ba la pynïaid da ka Amlarem Sub-Divisional Sports Association (ASSA), ha Madan phutbol jong ka Jaraiñ West Jaiñtia Hills District.
ïa kane la pynthikna hadien ba ka la jop ïa ka jingïakhun Semi Final ba nyngkong kaba la long ha ka Lah sngi U Blei, 15 tarik u Nohprah, 2015, ha kaba ka Amlarem Social Club ka la pynliem noh da tang 1-0 kol ïaka Sohlawiat SC.
Ka jingïalehkai ha ka kylla step ka la jam sha kaba kut khlem don nonglah ban pynkhihjar. Hynrei ka Amlarem SC ka la ïoh ba kan pynkhihjar ha ka minit kaba 80 lyngba u Tiplang Rasmut, kaba la rai ïa ka kynhun ban khur ïa ka jingjop.
Ka jingïakhun Semi Final (Eliminator) ha kane ka sngi Ba-ar (16 tarik Nohprah) kan long haka por 1 baje nohphai sngi hapdeng ka Lamin XI pyrshah ïaka Lumpyngngad SC.
Shuh shuh la pyntip ha kane ka lympung Amlarem Football League 2025-2026 ki don kumba 86 tylli ki kynhun kiba wan ban ïashim bynta, haka Super Division ki don 8 kynhun, haka First Division 16 kynhun, haka Second Division ki don 62 kynhun. Ha u snem ban wan jong ka lympung ka ASSA kan pynmih sha ka kyrdan Third Division
Ïa ka jingïakhun Final jong ka Amlarem Football League 2025 yn pynkut noh haka 22/12/2025.
