Shillong, Nailar, 03: U Bah Anlang Dyia uba sah ha ka shnong Madanriting, Lum Jingsuk (Umdabor), Shillong ha ka sngi u Blei u ujor sha ki Pulit ka Madanriting Police Station ban pyntip halor ka jingjah rngai ka Scooty Ray ZR rong Cyber Green kaba u dang shu thied thymmai bad ka bym pat don ïa u number plate kaba u la pynieng hajan ka ingsah jong u. Ha ka ujor, u Bah Anlang u la pyntip ba u la pynieng ïa kane ka Scooty hajan iing ha ka sngi Saitjaiñ ha ka por kumba 9:00 baje mynmiet bad ynda u la leit jngoh mynta ka sngi u Blei ha ka por 10:00 baje mynstep u la shem ba ka Scooty jong u kam don shuh ha ka jaka ba u la pynieng.U u trai jong kane ka Scooty u la kyrpad ïa ki Pulit ba kin pynlong ïa ka jingtohkit kaba bniah khnang ban ïoh biang ïa ka mar kaba la jah.
