Mawkyrwat, Rymphang 08,: U Vipin Donald Ïawphñiaw, 14 snem karta na ka Shnong Diwian- Rangblang, South West Khasi Hills District u la jah na ïing naduh ka 23 tarik u Kyllalyngkot, 2026 bad haduh mynta um pat wan phai ïing.
Ha ka tyllong khubor ba la ïathuh da ka kmie jong une u heprit, ka kong Basuklang Iawphniaw ka la ong ba u Vipin Donald Iawphniaw u la don ha ki karta 14 snem ei ei bad la jah na ïing naduh ka 23 tarik u Kyllalyngkot, 2026.
Shuh shuh ka la ïathuh ruh ba u khun jong ka u Vipin Donald Iawphniaw, u phong ïa ka banian rongstem, ka sweater dark blue, ka tupia rongsaw, ka mafloor rongdpei laiñ lieh, ka patlun track suit rong dpei, u phong sandal ronglieh thoh iong bad un don ïa ka jrong ba 4.6 phut.
Kumta na ka liang ka kmie ka buh ka jingkyrpad ïa ki paidbah lada don kiba ïohi ïa une u khynnah ba kin sngwbha ba kin pyntip sha ka shnong lane kin phone ha kine ki number: 6009420023 / 6009795939.
