Jah u rangbah uba shong ba sah ha Lad Rymbai, kyrpad ki bahaïing ban pyntip lada ïohi

Shillong, K’Lyngkot 07: Ka khubor ba la ïoh la ïathuh ba ba uwei u rangbah uba kyrteng u Chaltbha Muksor, uba dei u nongshong shnong ba sah ha Lad Rymbai (Dong Pohktieh), East Jaiñtia Hills District, Meghalaya, u la jah naduh ka 5 tarik mynta u bnai 2026.
Katkum ka jingïoh jingtip ba la ïoh na kiba haïing u Bah Chaltbha Muksor u la mih na shnong naduh ka 2 tarik mynta u bnai 2026 ha ka por 11:00 baje mynmiet ban leit sha Bengaluru naka bynta ka kam ban trei bad uba la shong ruh da ka rel.
La ïathuh ruh ba ka jingtip kaba khatduh ka dei ha ka 5 tarik mynta u bnai ha ka por 6 baje mynstep kaba dei ruh ha ka Jolarpettai Junction Railway Station, Tamil Nadu, ha kaba u la phone bad hadien kane ym shym tip eiei shuh shuh shaphang jong u bad ka phone jong u ruh ka la switched off naduh katei ka sngi.
Na ka liang ka iing ka sem ka la dep ka jingujor shaphang ka jingjah jong une u rangbah ha In-Charge, Ladrymbai Police Out Post, East Jaiñtia Hills District.
La kyrpad ïa ki paidbah kiba ïohi ïa u Bah Chaltbha Muksor ne don jingtip eiei shaphang jong u, khamtam kiba ïohi ha Jolarpettai Junction Railway Station ne ki jaka kiba marjan ba kin pyntip sha ka, KSU Bengaluru Unit: number 7005095667, Ladrymbai Police Out Post, ne ïa ki dkhot ka ïing ha u nombar 6009133754.