Nongpoh, Jymmang 08: U wei u Rangbah naka shnong Pahamsyiem, Ri Bhoi District u la jah nala iing naduh ka 30 tarik Ïaiong khlem wanphai iing shuh hadien ba u la leit khwai bad 2 ngut ki paralok nongtrei sha khlaw Nongkhyllem Wildlife Sanctuary khlem lapdien shuh haduh mynta.
U tei u Rangbah u dei u ba la tip kyrteng kum u Antis Lyngdoh 32 snem ka rta naka dong Chinchona, Pahamsyiem bad u dei ruh u nongtrei misteri ha Eklavya Model Residential School kaba dei ka skul ba dang shna thymmai ha katei ka shnong bad u dei ruh u ba don jingthud bad shitom haka met.
Katkum ka jingïathuh ki bahaiing kila ong ba kitei ki paralok kiba u ïa leit lang kila wan pyntip sha iing hadien ba u la jah rngai na kaba ki ïa leit khwai bad mar mar naka liang ki bahaiing kila pyntip sha ka shnong, bad naka liang ka shnong kila shimkhia ban ïa mih paidbah ban leit wad ïa utei u Rangbah ha katei ka jaka kaba u jah naka bynta ban lapdien ïa u, hynrei haduh mynta ym pat lapdien satia bad naka liang ka shnong kin dang bteng ban pynlong ka jingwad paidbah.
