Jowai, Nailar 31 : U wei u khyllung ba dang 2 snem 8 bnai ka rta ba kyrteng u Ripynshngain Sumer khun jong i kong Kyrmenlang Sumer u la jah na la ïing na ka Shnong Amshipai, Amlarem Sub- Division naduh ka 27 Tarik mynta u bnai bad khlem pat lap dien ïa u haduh ba thoh ïa kane ka khubor.
Na ka liang u SP ka West Jaintia Hills u la ai ka jingpyntip paidbah ba ha katei ka sngi une u kyllung u phong ka sopti rong bthuh, ka patlun rong Blu iong, u khlem phong slipar ne juti. U don ka jingjrong kumba 2 phut ei ei bad u don ka sniehdoh ba kham met ïong.
La buh ka jingkyrpat ïa kino kino kiba lap ne ïohi ïa une u khynnah kin sngewbha ban pyntip sha SP ophis lane phone ha kine ki number 9774065467/03652-220050/8794009576.
