Nongstoiñ, Risaw 01: Uwei u rangbah ba la 39 snem ka rta, ba la tip kyrteng kum u Hebert Mawlieh na ka shnong Pyndengrei bad uba shong basah ha Themiew New Nongstoiñ, u la jah naduh ka 29 tarik Nailur 2024 ha ka por mynstep ha kaba um pat wan phai satia sha la ing haduh mynta.
Ka khubor ba la ïoh na ki Pulit ka ïathuh ba une u rangbah u dei uba ju ñiah kali Auto Truck bad ha ka por ba u jah u phong ïa ka sopti rong grey, patlun rong iong. Hynrei ha ka step 29 tarik u ieh ïa ki slipar bad ïa ka mobile phone ruh u khlem rah.
