Shillong, Naiwieng, 11: Uwei u rangbah ba la tip kyrteng kum u Bah Kasterbok Kharbuli, 45 snem ka rta u khun jong u (L) T. Kharpran uba sah ha ka shnong Sohryngkham Mawkynroh, Shillong la pyntip ba u la jah rngai na la ïingsah naduh ka 1 tarik mynta u bnai ha ka por kumba 8.30 baje mynstep. U Bah Kasterbok Kharbuli, u don ka rynïeng kaba jrong 5 phut, ka durkhmat kaba lam ïong, kham heh met, ka durkhmat ba sawdong bad uba don jingpang ha ka bor jabieng. Ha ka por ba u la jah, la ïohi khatduh ba u phong da ka jaket rong blu, ka patlun track suit rong ïong, u kup da ka tupia saiwul rong ktieh bad u phong da ki slipar rong lieh.
U Superintendent of Police jong ka East Khasi Hills District Bah S. Nongtnger ha u kyrwoh ba la phah sha ki lad pathai khubor u la kyntu ïa kino kino kiba ïohi ne tip shaphang u Bah Kasterbok kin sngewbha ban pyntip sha ki Pulit ha ka Police Control Room ha u nombar 6009196479, In-Charge (Sohryngkham Police Out Post) ha u nombar 0364-2547600 bad In-Charge Missing Desk ha u nombar 8837282114.
