Sohra, Risaw 03: Arngut ki nongjngohkai pyrthei ne ki Tourist kiba la jah lynti mynta ka sngi ha ka por ba ki dang hiar sha ki bynta ba long riat jobng ka Ksaid Nohkalikai ha Sohra.
Kine ki arngut ki Tourist kidei na Gujrat bad ka kyrteng jong ki ka long ka Avani Soni bad u Abhishek Jamwal. Hadien ba la pyntip sha ki Pulit ïa kane ka jingjah jong ki, ki Pulit jong ka Sohra Police Statio hapoh ka jingïalam i Kong Vandana Diengdoh, ki la her kyrkieh ban leit wad ïa ki. Da ka jingtrei shitom ki Pulit bad ki paidbah kiba don ha katei ka Kshaid la lap noh ïa ki kham hadien.
