Shillong, Ïaïong 13: Ka khubor ba la ïoh na ki pulit la ïathuh ba u Rohitya Rabha u la phah ka jingujor ba ha ka 2 tarik mynta u bnai, u la shem ba ka scooter jong u ka la jah na ka thaiñ Rongrampatal (WKH).
Ha kawei pat ka khubor ki pulit ki la ïathuh ba ha ka janmied jong ka 8 tarik mynta u bnai, ki Pulit ki la ïohpdiang ïa ki pyntip ba ki don ki briew bym lah ban ithuh kiba la kam ïalade ba ki dei ki dkhot ki sengbhalang kiba la bat ïa kawei ka kali kit sniang ha Songkama Forest Gate (EGH) bad ki la dawa pisa, hynrei ha ka jingtohkit la shem ba ki don laingut ki runar kiba kynthup ïa u Josha Sangma ba la 40 snem ka rta, Jasin Momin ba la 30 snem ka rta bad Tenga Sangma, ki la bat ïa kawei ka pick-up kaba don u nombar AS-01PC-5955 ba la ñiah da u Nirmal Das, bad ki la dawa pisa kumba T. 13,000/- bad ki la ktah kti ruh ïa 4 ngut kiba shong ha kane ka kali kiba la tip kyrteng da Probhat Hajong ba la 38 snem ka rta, u Robul Das, bad Pulok Das bad u Nirmal Das ba la 25 snem ka rta.
