Nongpoh, K’Lyngkot 28: U Dr Jogesh Deuri uwei naki samla rangbah ba pass PhD na skulbah USTM ha u snem 2018 u la iohpdiang ïaka khusnam Padma Shri Award 2026 kawei naki khusnam ba heh haka ri halor ka jingnohsynñiang jong u ha kaba ïadei bad ki kam pynroi sha ki jaka nongkyndong, bad ka thaiñ ka wet lyngba ka tnad Sericulture.
U Dr Jogesh Deuri u la pyndep ïaka PhD ha u snem 2018 na skulbah USTM hapoh ka jingïalam u Prof PK Baruah jong ka tnad Botany.
Lyngba ka kam ba u trei ban shakri sha ki paidbah khamtam ban wanrah ka jingkylla ban dang kyntiew shuh shuh sha ki thaiñ nongkyndong ha kaba ïadei bad ki kam ri khñiang ban pynmih ruh ïaki ksai thaiñ jaiñ, u tei u samla rangbah u la ioh pdiang ïa katei ka khusnam ba khraw haka ri.
Naka liang u Mahbubul Hoque kum u Chancellor ka skulbah USTM u la pynpaw ka jingsngew sarong halor katei ka jingiohpdiang utei u samla rangbah ïaka padma shri award kaba dei ka khusnam ba khraw haka ri kaba long ruh ka jingsarong khamtam ïaka skulbah USTM namar u dei u ba la pyndep ïaka PhD na katei hi ka skulbah kaba long ruh kum ka jingai mynsiem ïa kiba bun ki samla kiba dang don hapdeng ka jingpule bad ka jingwad bñiah ban pyndep ïaka PhD.
