Khliehriat jymmang 30: Haduh 5 ngut ki Khynnah na Ri-lum Jaiñtia, kila ioh pdiang ia ka PM-Cares for Children Scheme hynne ka sngi nyngkong namar ka jingduhnoh ia la ki jong ki Kmie bad Kpa na ka daw jong ka jingwan lynshop ka khlam Covid-19.
Ha ryngkat lang bad ka ri hi baroh kawei, ki heh sorkar kiba na East Jaiñtia Hills District ruh mynta ka sngi ka la ïa shimbynta lang lyngba ka Video Coference ba la pynlong ha ophis treikam jong u Deputy Commis sioner ha Khliehriat ha kaba u Deputy Commissioner, u Abhilash Banarwal, IAS u la aiti ïa ki kot ki sla ba donkam jong ki lai ngut ki khynnah kiba la duh noh ïa ki kmie ki kpa na ka daw ka khlam covid-19, kine ki khynnah kin sa ioh ki jingiarap ki ban long ka jingmyntoi ïa ki kaba lyngba ka PM-Cares For Childrem Skim.
U Deputy Commissio-ner, u la aiti ïa ki kot ba donkam ba kynthup ruh ka shithi na u myntri rangbah ka ri (india), Sneh Patra kaba dei ka syrnot jong ka PM-Care, ka PM-Cares for Children Passbbok bad ka Health Card jong ka Ayushman Bharat-Pradhan Mantri-Jn Aroya (PM-JAY) jong ki lai ngut ki khynnah kiba na East Jaiñtia Hills District.
Kitei ki lai ngut ki khynnah kin ioh ka jingkyrshan bad jingiarap ha ka rukom kaba dei na ka bynta ka jingbit jingbiang jongki kaba lyngba ka Health Insurance, yn pynkup bor ïa ki lyngba da ka jingnang jingstad kaba paka, yn iarap ïa ki da ka pisa ruh na ka bynta ki jingdonkam jong ki kum ka jingkyrshan.
Kiba la ïa shim bynta lang ha kane ka Video Conference ki kynthup U District Child Development Officer East Jaiñtia Hills District, u bah Teibor Kyndiah, ki dkhot jong ka Child Welfare Committee, East Jaiñtia Hills District, ki nongtrei na ka Child Line, East Jaintia Hills District, la mihkhmat ruh da ki dkhot jong ka District Legal Services Authority, East Jaiñtia Hills District, lem bad u Superintendent of Child Care Institutions jong ka district.
Jowai: Ka District Child Protection Officer, District Child Protection Unit, Jowai kala pyntip ba ki don haduh ar ngut ki khynnah na West Jaiñtia Hills District kiba ïoh jingïarap naka ‘PM CARES for Children Scheme’ ïa kaba la pyllait mynta ka sngi da u myntri rangbah duh ka ri u Narendra Modi.
Kane ka skim sorkar kan ïarap ban kyrshan ïa ki khynnah khunswet kiba la duh noh ïala ki jong ki kmie ki kpa haka por ka jingwan lynshop jong ka khlam Covid-19 bad kane ka long shi bynta ban ai jingïada ïa kitei ki khynnah ba shem lanoh ba kin ïoh jingïarap naduh ka Insurance haka liang ka koit ba khiah bad ka jingnang jingstad lyngba ka jingkyrshan pisa ïa ki haduh ba ki la dap 23 snem ka rta.
Kitei ki khynnah kiba la ïoh jingïarap ha ryngkat ka jingwan synranlang bad kiba don jingdei bad ki ha ophis treikam u Deputy Commis sioner la ïashim bynta lang kynthup naduh u Additional Deputy Commissioner u P.K Boro, District Child Protection Officer, DCPU, Jowai kong R.D Kynjing, District Informatics Officer, NIC, Jowai kong P. Passah.
Ha kaba u PK Boro, Additional Deputy Commis sioner ula aiti iï ki kot sha ki nongïoh myntoi kaba don lang bad ka shithi na u myntri rangbah duh ka ri, ka Sneh Petra (certificate of PM CARES), PM CARE for children passbook, Health card of AB- Pradhan Mantri- Jan Arogya Yojana (PM-JAY).
