Jowai, K’lyngkot 29: Ka Hynñiewtrep Integrated Territorial Organisation (HITO) Jowai Circle mynta ka sngi 29 tarik u Kyllalyngkot kala ïoh ban bat ïa lai ngut ki longkmie (Muslim) kiba dei ki bar jylla kiba wan Uttar Pradesh khlem da don kino kino ki kot ki sla kiba biang.
Kitei ki bar jylla ki dang mut ban leit tyrwa die ïa ki mar ki mata jong ki hapoh ka sor Jowai haka dor kaba duna bad haka jingtokit da ki nongïalam ka seng la lap ba kitei ki longkmie bar jylla ki wan khem da don ki kot ki sla ban pynshisha ïalade.
Na ka liang ka seng kaba ju peit ïa ka bha ka miat jong ka imlang ka sahlang bad ban ïada na ka jingwan tuid ki bar jylla, hadien bala ïoh bat ïaki la pyntip mar mar sha ka tnad Anti infiltration bad leit rah ïa ki sha ophis treikam na ka bynta ban ïoh leh ïa kaba donkam.
