Jowai, Rymphang 22: Ka Pnar Student Movement (PSM) ha ryngkat ki nongïalam Shnong ka shnong Sohmynting West Jaiñtia Hills haka jingïalam u dkhot ka seiñ u M. Pyrtuh kila ïoh ban bat ïa 3 ngut ki bar jylla ki wa wan die tiar ha ka shnong Sohmynting khlem da ïoh bor na ka shnong.
Ha ka jingtohkit ïa kitei ki bar jylla la lap ba ki dei kiba wan na ka jylla West Bengal (Kolkata) bad kim don ïa ki kot ki sla ba ki dei ban ïoh na ka office JHADC. Kumta ka Seng bad ka Shnong kila maham ïa baroh ki bar jylla ba kim dei ban wan rung kulmar sha ki shnong ki thaw khlem da don ïa ki kot ki sla ba biang.
Kumjuh ruh la maham ba lada dang lap ïa kiba pynkheiñ ïa ka aiñ yn sa aiti ïa ki sha ki bor ba dei peit jong ka aiñ. Kane ka long katkum ka khubor ba la phah da u Publicity Secretary ka seng u samla S. Lakiang.
