Shillong, Naiwieng : Ka CMC Laitlum, Mawlai Mawtawar ka la ïoh pdiang da ki tiar pynsawa (PA System) na u MLA ka Mawlai u Bah PT Sawkmie ha ka 4 tarik u Naiwieng, 2022 ba la aiti ha ka jingdon ryngkat u rangbah Balang bah Shalenstar Mukhim, president seng rangbah bah Charles Marbaniang, ki longkmie bad kiwei kiwei.
Haba ai jingkren ha ka jingïalang ba lyngkot u Bah PT Sawkmie u la pynbna ba shen un sa ai sa ar tylli ki tynghung (horn), khnang ba kin ioh pyndonkam ha ki jingïaseng heh jong ki. U kyntu ruh ia ka CMC, haba don kano kano ka jingdon- kam kin sngewbha ban pyntip sha u, la ka long kaba rit ne baheh ruh.
Na ka liang u Rangbah Balang, bah Shalenstar Mulhim haba ai jingkren ha kane ka sngi u la pynpaw ka jingsngewnguh bad ai khublei ïa u MLA uba ju pyrshang katba lah ha i bor barit jong u ban leh eiei ïa ka Mawlai bad kumjuh ïa ki kynhun balang bapher bapher.
U la ong ba kum ki riewngeit Khrsitan kin ïai buh jingduwai ha ka jingïakhun MLA jong u ha u snem 2023, khnang ba un ïaineh kum u nongmihk hmat jong ki bad ban nanglah ban trei kham bha ïa ka thaiñ hi baroh kawei.
Ha ka juh ka por na u President seng rangbah CMC Laitlum, bah Charles Marbaniang, ma u ruh u la pynpaw ka jingsngew kmen ïa ka jingshah skhor jong u MLA ïa ka jingkyrpad jong ki bad uba ïai don ryngkat barabor bad ki.
