Jowai, Jylliew 23: Ki pulit mynta ka sngi kila ïoh tam ïa ka met ïap jong uwei u briew ïa uba la tip kyrteng kum u Joit Singh Suna na ka shnong Mukhla West Jaiñtia Hills District.
Ïa katei ka met ïap la lap hadien ba ki pulit kila ïoh jingtip na u Waheh Shnong ka Nangbah mynta hi ka sngi ba ka don kawei ka met ba thaih ïap hajan kawei ka khlaw kaba don ha Sahbseiñ.
Mar mar ki pulit kila leit tam ïa ka metïap bad la pyntikna ba katei ka met ïap la suba jur ba la shah pynïap ha ki runar bam lah ban ithuh namar ki don ki dak ba shah dung da ki kynja baneh, ïa ka met la pynkit mar mar sha Jowai Civil Hospital Ialong bad leh ïa kaba donkam bad ki pulit kila dep ban register kes bad jingtohkit ka dang ïaid shakhmat.
