Shillong, Jylliew: U Superintendent of Police ka EKHD, Shillong, da kane u pyntip ba ha ka 28 tarik Jymmang 2022, ki pulit ki la lapdien ïa kawei ka met ïap jong uwei u rangbah bym lah ban ithuh u ba la don kumba 26 snem rta ka ba thiah lyngktar ha lyndet ka jingker jong ka Durga Puja Mandir, Shillong.
Hadien ba la bishar bniah bad leh ïa ka ba donkam baroh la pynkynriah noh ïa kane ka met ïap shapoh Civil Hospital Shillong na ka bynta ban pyndep ïa ka Post Mortem. Hadien la pynkynriah noh ïa kane ka met shapoh ka jaka buh met ïap jong kane ka hospital na ka bynta ka jingpynithuh.
Kum ka jingpyntip une u briew u dei u ba kham dum ka sniehdoh bad ka don ruh ïa ka jingdro tattoo ha ki bynta ka ksangkti ka mon ka jong u bad u phong da ka patlun rong blu bad ka shirt lyngkot kti ka ba dum rong jyrngam.
