Shillong, Nailur: Ka Dorbar jong ka Shnong Laitumkhrah, Shillong kala pynlong ka jingjied ïa ki Rangbah Shnong ba thymmai ha ka 24/09/2022 ha Don Bosco Mini Stadium Laitumkhrah.
ïa kane ka Dorbar la pynbit pynbiang da ka Election committee Laitumkhrah ha kaba palat hajar ngut ki nongshong Shnong ki la wan ïashim bynta. Kiba la shah jied kum ki Rangbah Shnong ha kane ka kynti ki long I Bah Theory D Myrboh, I Bah P. Sengborlang Nongkynrih bad I Bah Andrew A Jyrwa.
Na ka liang kine ki laingut ki Rangbah Shnong ki la ai khublei ïa baroh ki nongshong Shnong bad ki la kyrpad ruh ïa ka jingïatreilang na ka bynta ka bit ka biang jong ka Shnong ka thaw hi baroh kawei.
