Jowai, Nailur 08: Ka Khasi Students’ Union (KSU) Shnongpdeng Unit ha kane ka 06.09.2025 kala ïoh ban pynthymmai ïaki nongkitkam bad ki dkhot da u samla Sonstar Nongkhlaw Assistant Finance Secretary jong ka KSU Central Executive Council uba la shim ïaka bynta ban pyntian smai ïa kitei ki nongkitkam bad ki dkhot ba thymmai ka Unit
Ha kane ka sngi la ïadon ryngkat ruh ki nongïalam jong ka KSU West Jaiñtia Hills District Unit naduh President samla Laitphar Syngkrem, General Secretary samla Leningrad Tariang, Finance Secretary samla Phrangki Papang, u president jong ka KSU War Jaiñtia Circle samla Lop Stevenson Khonglah bad ki nongïalam napoh Shillong Mihngi Circle samla Jerimaia Pohthmi, u President HNYF Southern Riwar Circle bah Tarson Lymba, la wam pynshngaiñ ruh ha ryngkat ka jingïadonlang u Rangbah Shnong, Secretary shnong, ki dkhot ka Executive Committee Shnong bad ki seng longkmie.
La kyntu jur ïa kitei ki nongïalam ba thymmai ka KSU Shnongpdeng Unit ba kin trei hok ïaka kam bala bynshet ha ki, na ka bynta ka jingmyntoi jong kiba bun ba lang bad khamtam eh ïa ka shnong ka thaw hi baroh kawei.
Ïaka jingïalang la pynïaid da u samla Chanbor War uba dei u Vice President KSU West Jaiñtia Hills District Unit.
